Әлмәттә 24 пенсионерны алдаган кырыгалдарны тоткарлаганнар

Әлмәт Эчке эшләр идарәсенең Тикшерү бүлеге тарафыннан 41 яшьлек массаж салоны хезмәткәренә карата ачылган җинаять эше судка җибәрелде.

Шәһәрнең массаж салоннарының берсендә сатучы-консультант булып эшләгән әлеге ханым клиентларны алдауда һәм аларның акчаларын алуда гаепләнелә.

Процедуралар узган пенсионер-клиентларга кырыгалдар массаж ясау җайланмаларын сатып алырга тәкъдим итә. Ризалыкларын алу белән үк сатучы алардан әлеге товар өчен 100% күләмендә акча алган. Үз чиратында исә, товарны бернинди каршылыкларсыз китереләчәген вәгъдә иткән. Акчаны үз файдасында кулланган.

2 ел эшләү дәверендә ул 24 пенсионерны алдарга өлгергән. Барлык китерелгән зыян 2 млн сум тирәсе. Үзенә кергән «керем»не ул “тиенләп” җыйган. Мал-мөлкәткә салынган зыян 5000нән 1 миллион сумга кадәр тәшкил итә.

Полиция хезмәткәрләре фикеренчә, зыян күргән кешеләр исемлеге моның белән генә төгәлләнми. Әлеге ханымнан зыян күрүчеләр булса, Әлмәтнең Эчке эшләр идарәсенә мөрәҗәгать итүләрен сорыйбыз.


(8553) 32-62-32, 02 яки Эчке эшләр идарәсенең ышаныч телефоны 291-20-02.

http://www.almet-rt.ru