Рөстәм Миңнеханов “Татнефть” ААҖ Директорлар советының чираттагы утырышын уздырды

Татарстан Республикасы Президенты, “Татнефть” ААҖ Директорлар советы рәисе Рөстәм Миңнеханов компания Директорлар советының чираттагы утырышын уздырды.

Утырыш Татарстан Республикасы Хөкүмәте Йортында узды (Казан, Ирек мәйданы,1).

Директорлар советы 2013 елның 11 ае эчендә “Татнефть” ААҖ бюджетын үтәү йомгакларын карады һәм 2014 елның гыйнварына һәм 1 кварталына бюджет раслады.

2013 елга геологик-разведка эшләренең башлангыч нәтиҗәләре турында һәм 2014 елга геологик-разведка эшләренең планнары турында нотык тыңланылды. “Татнефть” ААҖ 2013 елда 35 млн. тонна күләмендә сәнәгать категориясендәге нефтьнең чыгарыла торган запаслары артуны тәэмин итте.

Лицензия киләшүләре белән каралган 2013 елда геологик-разведка эшләренең күләмнәре тулысынча үтәлгән. Эзләнү-разведка бораулавының уңышлылыгы 78% тәшкил итте. 2D рәвешендәге сейсмик-разведка эшләре 873 км озынлыгында һәм 3D рәвешендәге эшләр 1200 кв. км башкарылган.

2014 елда Татарстан Республикасы чикләрендә һәм аннан читтә дә “Татнефть”компанияләр төркемнәренең лицензион кишәрлекләрендә геологик-разведка эшләрен дәвам итү планлаштырыла.

Директорлар советы әгъзалары Татарстан Республикасының көньяк-көнчыгышында кече һәм урта бизнесны үстерү турында мәгълүмат тыңладылар. “Татнефть” ААҖ нең ун ел эчендә кече һәм урта эшкуарлык субъектларына ярдәм программасы нәтиҗәсе 2 меңнән артык эш урыннары булдырудан гыйбарәт, эшкуарлар реализацияләгән продукция күләме 2,4 млрд. сум тәшкил итте, берләштерелгән бюджетка салым түләүләре 400 млн. сумнан артып китте.

Моннан тыш, “Татнефть” ААҖ Директорлар советының 2014 елның беренче яртыеллыгына эш планы каралды.

“Татнефть” ААҖ матбугат хезмәте