Россия Конституциясе көнендә Әлмәт муниципаль районы җитәкчелегенә 17 кеше мөрәҗәгать итте

РФ Президенты Владимир Путин йөкләмәсе буенча РФ Конституциясе көне - 12 декабрь – гомумроссия гражданнарны кабул итү көне дип игълан ителгән иде.

Кичә барлык дәрәҗәдәге идарә органнарының җаваплы кешеләре үз эшчәнлеләренә караган сорауларга җавап бирделәр. Гражданнарны сәгать 12.00-20.00 чират буенча кабул иттеләр.
Әлмәт районында ӘМР Советы һәм башкарма комитетының җитәкчелегенә 17 кеше мөрәҗәгать итте. Аларның җидесе – ӘМР башкарма комитеты җитәкчесе Марат Гирфановка, җидесе - ӘМР башкарма комитеты җитәкчесенең беренче урынбасары, шәһәр башкарма комитеты җитәкчесе Николай Богданчиковка, икесе - башкарма комитет җитәкчесенең инфраструктура үсеше буенча урынбасары Рияз Комаровка, берсе - башкарма комитет җитәкчесенең икътисад буенча урынбасары Айдар Каюмовка үзләрен борчыган сорауларны җиткерделәр.

Гомумроссия гражданнарны кабул итү көне ел саен 12 декабрьдаә үткәреләчәк.

Ландыш Сибгатуллина
ӘМР Башлыгының хәбәрлек хезмәте