Әлмәт көрәшчеләре грек-рим көрәше буенча Татарстан чемпионатында уңышлы чыгыш ясады

2025 елның 17 декабре, чәршәмбе

Чистайда ир-атлар арасында грек-рим көрәше буенча СССР спорт мастеры Әдиб Нуруллин истәлегенә багышланган Татарстан Республикасы Чемпионаты тәмамланды. Иң көчлеләр исеме өчен республиканың җиде шәһәреннән, шул исәптән Әлмәттән дә, спортчылар көрәште.

Безнең спортчыларыбыз югары әзерлек һәм ышанычлы осталык күрсәттеләр, Әлмәткә 3 алтын, 3 көмеш һәм 1 бронза медаль алып килделәр.

Көрәшчеләребезне лаеклы чыгышлары белән котлыйбыз! Бу уңышка аларның остазлары — олимпия резервы спорт мәктәбенең грек-рим көрәше бүлеге тренерлары Эдуард Гаджиев, Эдуард Джанвелян һәм Данил Корниловның тырыш хезмәте һәм профессиональлеге нәтиҗәсендә ирешелде.