Әлмәттә ике мөһим вакыйга булды: паспортлар тапшыру һәм Яшь армияче антын кабул итү
Кичә, Россия Федерациясе Конституциясе көнендә, Әлмәттә ике кызыклы һәм әһәмиятле чара узды.
«Фабрика» яшьләр үзәгендә 14 яшькә җиткән 25 яшүсмер «Без-Россия гражданнары» бөтенроссия программасында катнашты һәм үзләренең төп документын — Россия Федерациясе гражданины паспортын алды.
Укучыларга ярдәм итәргә ата-аналар, остазлар, беренчеләр хәрәкәте вәкилләре һәм мәртәбәле кунаклар килде. Котлауларында кунаклар балаларга актив һәм җаваплы гражданнар булуларын, куелган максатларга ышанычлы баруларын, Россия Федерациясе законнарын һәм кыйммәтләрен хөрмәт итүләрен теләделәр.
Бу көн тагын бер мөһим вакыйга белән билгеләп үтелде — Әлмәт шәһәренең 160 укучысы Яшь армияче антын кабул итте. Тантана вакытында балалар Яшь армиячеләр бурычын намус белән үтәргә, халыклар дуслыгын ныгытырга, спорт һәм физик әзерлек белән актив шөгыльләнергә вәгъдә итеп, тантаналы ант бирделәр.
Балаларны тормышларындагы мөһим адымнары белән котлыйбыз һәм ышаныч, җаваплылык һәм зур казанышлар телибез!