Әлмәттә «Снежность» хәйрия фестивале башланды

2025 елның 12 декабре, җомга

Әлмәт татар дәүләт драма театрында «Снежность» XXII хәйрия фестивале ачылды. Өч көн дәвамында Татарстанның нефть башкаласында яшәүчеләрне һәм кунакларны бай эчтәлекле театр программасы көтә, ул Россиянең әйдәп баручы театр коллективларының җиде спектаклен күрсәтүне үз эченә ала.

Әлмәт районы башлыгы Гүзәл Хәбетдинова исеменнән яшь тамашачыларны район башлыгы урынбасары Роза Әфләтунова сәламләде.

«Яңа ел бәйрәмнәре алдыннан «Снежность» фестивале шәһәребез өчен күркәм традициягә әверелде. Анда бер генә буын үсмәгән: кайчандыр бирегә яшүсмер булып килгән кешеләр хәзер үз балаларын алып киләләр, аларга театрга һәм сәнгатькә мәхәббәтләрен тапшыралар. Бу искиткеч мирас, без аны горурлык белән дәвам итәбез», — дип билгеләп үтте Роза Әфләтунова.

Фестиваль программасын Евгений Шварц пьесасы мотивлары буенча «Снежная королева» спектакле ачып җибәрде, аны Пермь яшь тамашачы театры тәкъдим итте.