Ел башыннан бирле 54 меңнән артык әлмәтле диспансеризация узган
Әлмәттә халыкны диспансерлаштыру программасын гамәлгә ашыру дәвам итә — авыруларны һәм аларның үсешенә куркыныч факторларны вакытында ачыкларга мөмкинлек бирә торган профилактиканың төп чараларының берсе.
Әлмәт муниципаль районының сәламәтлек саклау идарәсе җитәкчесе Ренат Шакиров хәбәр иткәнчә, ел башыннан бирле 54 129 кеше диспансеризация узган.
Диспансеризация нәтиҗәләре буенча 1 670 кешегә беренче тапкыр төрле патология диагнозы куелды. Ачыкланган авырулар арасында:
· Кан әйләнеше системасы авырулары;
· Эндокрин система авырулары;
· Ашкайнату органнары авырулары;
· Яман шешләр;
· Сулыш органнары авырулары;
· Башка авырулар.
Бу сан даими профилактик тикшерүләрнең мөһимлеген ачык күрсәтә. Күп авырулар озак вакыт яшерен рәвештә үсә ала, һәм диспансеризация аларны вакытында ачыкларга һәм чаралар күрергә ярдәм итә.
Программа «Озак һәм актив тормыш» милли проекты кысаларында үткәрелә һәм сәламәтлекне саклауга, тормыш сыйфатын күтәрүгә һәм актив озын гомерлелеккә юнәлдерелгән.
Үзегезне саклагыз-сәламәтлегегезне кайгыртуны кичектереп тормагыз!