Әлмәт районы - «Балалар өчен шәһәрләр. 2025» Бөтенроссия конкурсында җиңүчеләр арасында!

2025 елның 8 декабре, дүшәмбе

2 декабрьдә Федерация Советында Федерация Советы, авыр тормыш хәлендә калган балаларга ярдәм фонды һәм Россиянең кече һәм урта шәһәрләре ассоциациясе тарафыннан оештырылган Бөтенроссия конкурсына йомгак ясалды.

Конкурста илнең 75 төбәгеннән 311 муниципаль берәмлек катнашты, алар 400дән артык практика күрсәттеләр. Гаризаларны карау йомгаклары буенча Әлмәт муниципаль районы «барысы да гаиләдән башлана» номинациясендә «Бергә бәхетле» проекты белән җиңүче булды. Бүләкне Федератив корылыш, төбәк сәясәте, җирле үзидарә һәм Төньяк эшләре Комитетының беренче урынбасары Галина Карелова тапшырды.

2024 елдан гамәлгә ашырыла торган «Бергә бәхетле» проекты гаилә кыйммәтләрен ныгытуга һәм авыр тормыш хәлендә булганнарны да кертеп, гаиләләргә ярдәм итүгә юнәлдерелгән. Аны гамәлгә ашыру чорында 339 чара уздырылган, аларда 5355 гаилә катнашкан.