«Татнефть ралли Әлмәт – 2025»: тизлек, хис-кичерешләр һәм команда рухы
2025 елның 18-20 декабрендә Татарстан Республикасының Әлмәт шәһәрендә һәм Әлмәт районында «Татнефть ралли Әлмәт» — төбәкнең һәм бөтен илнең әйдәп баручы автоспортчыларын берләштерүче масштаблы спорт чарасы узачак.
Трассаның гомуми озынлыгы 300 км чамасы тәшкил итәчәк, шуның 60 км чамасы – тизйөрешле участоклар. Юл өслеге-кар/боз, нигезе-грунт, вак таш. Катнашучылар өч зачетта: 1600н, 2000Н һәм абсолют зачетта көч сынашачак.
Ярышлар Татарстан Республикасының рәсми спорт чаралары календаренә кертелгән. Спорт ярышлары Татарстан Республикасы спорт министрлыгы, «ТР Автомобиль спорты федерациясе» ТИО һәм «Татнефть» ГАҖ ярдәмендә уздырыла. Ярышларны оештыручы - «АвтоСпортМедиаГрупп» ҖЧҖ.
Төп бурычлар - иң көчле спортчыларны ачыклау, Татарстан Республикасы җыелма командасына кандидатлар исемлеген төзү, шулай ук төбәкара һәм бөтенроссия ярышларында катнашу өчен сайлап алу. Иң мөһим максат-спорт резервын үстерү һәм төбәк халкы арасында автоспортны популярлаштыру.
Чараның программасы
2025 елның 18 декабрендә 19.00 сәгатьтән 21.00 сәгатькә кадәр «Татнефть» no 330 автозаправка станциясендә (Әлмәт шәһәре Риза Фәхретдин ур., 7а) ярышларда катнашучылар белән очрашу узачак. Очрашу кунакларын автограф-сессия, милли камыр ризыкларыннан авыз итү, күңел ачу программасы, шулай ук конкурслар һәм призлар уйнату көтә.
2025 елның 19 декабрендә ярышларда катнашучылар ралли маршруты белән танышачаклар, керү техник инспекциясе һәм старт алдыннан медицина тикшерүе узачаклар. 19: 00 дә югары нефть мәктәбе мәйданында спортчыларның автограф-сессиясе узачак, шуннан соң ярышларны ачу тантанасы узачак, ул спортчылар, шәһәр халкы һәм кунаклары өчен ярышлар ял көннәренең якты башлангычы булачак.
2025 елның 20 декабрендә 09:30 сәгатьтә ярыш этабы башлана, ә инде 19:00 сәгатьтә Иң яхшы экипажлар финишка килә. Фиништан соң ук югары нефть мәктәбе мәйданында җиңүчеләрне һәм призерларны бүләкләү тантанасы узачак.
19 һәм 20 декабрьдә Экстрим парк территориясендә раллиның сервис зонасы эшләячәк, анда командалар үз автомобильләрен узышның катлаулы һәм кызыклы махсус участокларын узуга әзерләячәк. Тамашачылар өчен керү ирекле.
Әлмәт халкын һәм кунакларын мавыктыргыч вакыйганың бер өлеше булырга һәм Татарстан спортчыларына мавыктыргыч узышта ярдәм итәргә чакырабыз!