Татарстан Республикасы муниципаль берәмлекләренең 2013 елның гыйнвар-октябрь айларында иҗтимагый-икътисади үсеше рейтингы басылды

Татарстан Республикасының Икътисад Министырлыгы 2013 елның гыйнвар-октябрь айларында Татарстан Республикасы муниципаль районнары һәм шәһәрләренең иҗтимагый-икътисади үсешенең айлык рейтингын әзерләгән.

Гомуми рейтингта I урында Казан шәһәре, II урында Әлмәт районы, III урында Лаеш районы.

Рейтингтагы урыннарын җитди үзгәртүгә (3 позиция) Мөслим һәм Чирмешән районнары ирешкән. Бу хәл берничә күрсәткечнең уңай якка үзгәреше белән аңлатыла: хезмәт хакының сатып алу мөмкинлеге яхшырган, теркәлгән эшсезлек дәрәҗәсе кимегән.

Алексеевск, Әлки муниципаль районнары рейтингта 5 һәм 7 позициягә түбәнгәрәк төшкән. Бу хәл эшсезлек дәрәҗәсе арту һәм төп капиталга инвестицияләр үсеше темпларының кимүе белән аңлатыла.

2013 елның 1нче ноябрена Татарстан Республикасында кеше башына 0,5 кв.метр торак мәйданы кулланылышка кертелгән. Тукай, Лаеш, Питрәч районнарында бу күрсәткеч бигрәк тә югары.

Халык саныннан исәпләгәндә, төяп җибәрелгән продукция күләме республика буенча уртача 319,4 сум тәшкил иткән. Бу яктан Әлмәт, Түбән Кама, Яңа Чишмә, Алабуга, Тукай муниципаль районнары югары нәтиҗәләр күрсәткән.

Теркәлгән эшсезлек дәрәҗәсе республика буенча 0,87%. Муниципаль берәмлекләрнең 17сендә әлеге күрсәткеч республиканың уртача күрсәткеченнән түбәнрәк.

Хезмәт хакының сатып алу мөмкинлеге 2,32 тапкыр. Әлеге күрсәткеч Лаеш, Әлмәт, Тукай районнарында иң югары.

Рейтинг “Территориаль үсеш" бүлегендә урнаштырылган (http://mert.tatarstan.ru).