Әлмәт креатив индустрияләр өлкәсендә Россия милли премиясенең «Креатив шәһәр» номинациясендә җиңү яулады
1 декабрьдә Мәскәүдә креатив индустрияләр өлкәсендә Россия милли премиясен тапшыру тантанасы булды. «Креатив шәһәр» номинациясендә Әлмәт шәһәре җиңү яулады.
«Татнефть» ГАҖ ярдәме белән шәһәрдә 15тән артык иҗтимагый киңлек яңартылды, алар хәзер мәдәни тормыш үзәкләре һәм иҗади инициативаларны үстерү мәйданчыклары ролен үти. Төп проектлар арасында — «Креатив процесслар фабрикасы», индустриаль сквер һәм аралашу, иҗат һәм белем бирү программаларының заманча зоналарына әверелгән башка пространстволар.
Балалар һәм яшүсмерләр белән эшләүгә аерым игътибар бирелә. Әлмәттә яшь буын киләчәк технологияләренә һәм иҗади һөнәрләргә ия була торган мохит формалаша. «Альметрика», «Digital Академия», «Анимация мәктәбе» проектлары һәм фондның башка инициативалары цифрлы күнекмәләрне үстерергә, креатив юнәлешләр белән шөгыльләнергә, үзеңне IT, анимация, дизайн һәм мультимедиядә сынап карарга мөмкинлек бирә.
Мәдәни проектларны интенсив үстерү шәһәр трансформациясенең мөһим өлешенә әверелде. Иң ачык мисалларның берсе-«Каракуз» этномодерн-фестивале, ул 18 иҗади юнәлешне берләштерә һәм ел саен 100 меңнән артык кунакны җәлеп итә. Проект үткән һәм хәзерге заман арасындагы элемтәләрне ныгыта торган масштаблы мәдәни вакыйгага әверелде. «Легкие крылья» урам театры һәм «Аулак» социаль театры сәнгатьне көндәлек шәһәр киңлегенең бер өлеше итте, халыкта иҗади мохит белән аралашу гадәте формалаштырды.
«Каракуз» заманча музыкаль лейблы, шулай ук балалар этномәдәни коллективларына ярдәм төбәкнең аутентик мирасын торгызуга һәм популярлаштыруга ярдәм итә. «Страна поющего соловья» һәм «Браво, Әлмәт!» ел саен дистәләгән мең бала һәм яшүсмергә үзләрен күрсәтергә һәм профессиональ сәхнәгә чыгарга мөмкинлек бирәләр.
Премия креатив индустрияләр һәм Россия креатив икътисады үсешенә зур өлеш керткән профессионалларны, проектларны, компанияләрне, шәһәрләрне һәм төбәкләрне билгеләп үтә. Ул 2021 елда Россия Федерациясе Президенты Администрациясе ярдәмендә гамәлгә куелган һәм 2025 елда инде бишенче тапкыр уздырыла.