Әлмәт янындагы авылларда үзара салым акчасына су һәм юллар яңартылды
Составына Молодежный поселогы һәм Дербедень авылы кергән Әлмәт авыл җирлегендә инженерлык һәм юл инфраструктурасын яхшыртуга юнәлдерелгән эшләр төгәлләнде.
Молодежный бистәсендәге су башнясын алыштыру төп проектларның берсе булды. Әлеге объектны гамәлгә ашыруга Әлмәт районы бюджетыннан 2,5 миллион сум акча бүлеп бирелгән. Яңартылган су белән тәэмин итү системасы халыкка су бирүнең сыйфатын һәм ышанычлылыгын арттырырга ярдәм итәчәк.
Моннан тыш, бистәдә 475 мең сумлык юлларда чокырлар ремонтланган. Эшләр гражданнарның үзара салым программасы кысаларында җыелган акчаларга башкарылган. Әлеге механизм халыкка акчалардан файдалануның өстенлекле юнәлешләрен мөстәкыйль билгеләргә мөмкинлек бирә, бу исә авыл территорияләрендәге аеруча актуаль проблемаларны хәл итүгә ярдәм итә.
Дербедень авылында шулай ук инфраструктураны модернизацияләү эшләре башкарылган. Гомуми суммасы 1,3 миллион сум булган гражданнарның үзара салым акчаларына су белән тәэмин итү системасына ремонт ясалган.
Татарстан рәисе Рөстәм Миңнеханов инициативасы белән гамәлгә куелган гражданнарга үзара салым программасы республика бюджетыннан түбәндәге принцип буенча финанслауны күздә тота: халык җыйган һәр сумга республика дүрт сум өсти. Исегезгә төшерәбез, әлеге система ярдәмендә Әлмәт районы Агымдагы елда республика бюджетыннан 54,4 миллион сум акча алды.