Тану вакыты: Татарстанда «Ел хатын-кызы. Ел ир-аты: хатын-кыз карашы» конкурсның муниципаль туры старт алды
«Ел хатын-кызы. Ел ир-аты: хатын-кыз карашы» Татарстан халкының казанышларын тануга һәм актив эшчәнлеген стимуллаштыруга юнәлдерелгән мөһим иҗтимагый инициатива булып тора. Ул аларның җәмгыять үсешенә керткән өлешләрен ассызыклый һәм яңа казанышларга илһамландыра.
Аның инициаторы - «Татарстан хатын-кызлары» төбәк иҗтимагый оешмасы, ә конкурс Татарстан Республикасы Рәисе ярдәмендә һәм Татарстан Республикасы Хезмәт, халыкны эш белән тәэмин итү һәм социаль яклау министрлыгы, Татарстан Республикасы Мәдәният министрлыгы, Татарстан Республикасында Кеше хокуклары буенча вәкаләтле вәкил һәм Татарстан Республикасы Профсоюзлар федерациясе белән партнерлыкта үткәрелә.
Конкурсның төп максаты - республиканың социаль-икътисадый үсешенә, үсеп килүче буынны тәрбияләүгә, гаилә институтын ныгытуга, мәдәнияткә һәм рухияткә ярдәм итүгә зур өлеш керткән хатын-кызларны алга этәрү.
Әлмәт хатын – кызлар берлеге барлык теләүчеләрне конкурсның муниципаль этабында катнашырга түбәндәге номинацияләрдә чакыра: «хатын – кыз – ана», «Хатын – кыз – мәдәният һәм рухият», «Хатын – кыз-галим», «Минем язмышым – минем һөнәрем», «Хатын-кыз-лидер», «Хатын-кыз-бизнес-леди», «Өченче яшь героинясы», «Хатын-кыз-ел үрнәге». Шулай ук конкурста төбәкнең социаль иминлеген үстерүгә, гаиләгә, балаларга ярдәм итүгә, хезмәт коллективларында уңай шартлар тудыруга керткән өлешләре өчен хатын – кызлар иҗтимагый оешмалары тарафыннан танылу алган ир – атлар өчен «ир – ат-лидер» һәм «ир-ат-игелекле йөрәк»номинацияләре дә каралган.
Традиция буенча конкурсның финалы Халыкара хатын-кызлар көне алдыннан Казанда узачак.
Конкурста катнашу өчен анкета тутырырга һәм 1 минутлык видеоролик-үзпрезентация ясарга, электрон почтага җибәрергә кирәк. Amr_konkurs2024@mail.ru.
Катнашуга гаризалар 2025 елның 24 ноябренә кадәр кабул ителә.