Әлмәт Бөек Ватан сугышында катнашкан Людмила Даниловна Березова белән хушлашты
Бүген шәһәр Бөек Ватан сугышы ветераны, Әлмәт муниципаль районының Мактаулы гражданы Людмила Даниловна березова белән хушлашты. Людмила Даниловна районның иң өлкән кешесе иде. Аңа 104 яшь булган.
Мактаулы ветеранны соңгы юлга озатырга туганнары һәм якыннары, Әлмәт муниципаль районы башлыгы Гүзәл Хәбетдинова, шәһәр Советы депутатлары, ветераннар советы вәкилләре, махсус хәрби операциядә катнашучылар, шулай ук мәктәп укучылары, студентлар һәм шәһәрдә яшәүчеләрнең күбесе килгән иде.
Матәм митингы хәрби хөрмәт күрсәтү белән узды. Хушлашу сүзе белән район башлыгы Гүзәл Хәбетдинова чыгыш ясады, ул Людмила Даниловнаның Бөек Җиңүгә керткән өлешен һәм аның күпьеллык актив тормыш позициясен ассызыклады.
Әлмәтлеләр ветеранны бер минут тынлык белән искә алдылар. Людмила Даниловнаның соңгы юлы матәм оркестры яңгырашы белән озата барды.
Бүгенге көндә Әлмәттә Бөек Ватан сугышында катнашкан ике кеше кала. Аларның һәрберсе турында истәлек — шәһәр халкы өчен Изге.
Әлмәт муниципаль районы администрациясе Людмила Даниловна Березованың туганнарының һәм якыннарының кайгысын уртаклаша. Аның якты истәлеге әлмәтлеләрнең йөрәкләрендә мәңге сакланачак.