Әлмәттә Бөек Ватан сугышында катнашкан Людмила Даниловна Березованы бер минут тынлык белән искә алдылар

2025 елның 10 ноябре, дүшәмбе

Бүген Әлмәт муниципаль районы хакимиятендә район башлыгы Гүзәл Хәбетдинова җитәкчелегендәге гомуми планерка Әлмәтнең күренекле кешесе – Әлмәт муниципаль районының Мактаулы гражданины, Бөек Ватан сугышында катнашкан Людмила Даниловна березова истәлегенә бер минут тынлык белән башланып китте.

Людмила Даниловна Березова Әлмәт районы тарихында якты эз калдырды. Аның тормышы-сугыш кырларында күрсәткән батырлык һәм тыныч вакытта туган як файдасына фидакарь хезмәт елъязмасы ул.

Әлмәт муниципаль районы башлыгы Гүзәл Хәбетдинова хәбәр иткәнчә, бүген, 10 ноябрьдә 10:00 сәгатьтә Ленин урамы, 21 йорт адресы буенча урнашкан Яшьләр үзәгендә гражданнар панихидасы була, анда теләгән һәркем Людмила Даниловна березова белән хушлаша һәм аның батырлыгын искә ала алачак.