Игътибар! Җәяүлеләр зонасы!
Герцен урамындагы җәяүлеләр зонасында транспорт чараларының хәрәкәтен һәм тукталышын тыю гамәлдә. Әлеге территория бары тик җәяүлеләр өчен генә каралган.
Тиешле юл билгеләре һәм билгеләнгән кагыйдәләр булуга карамастан, машина йөртүчеләр тарафыннан тыюны бозу очраклары теркәлгән, алар урамның җәяүлеләр өлешенә керүләрен дәвам итәләр.
Мондый хокук бозуларны кисәтү максатларында әлеге участокта хокук саклау органнары белән үзара хезмәттәшлек идарәсенең җәмәгать тәртибен тәэмин итү бүлеге хезмәткәрләре эшли, алар билгеләнгән чикләүләрнең үтәлешен күзәтәләр.
Җәяүлеләр зонасына керү факты ачыкланганда, Татарстан Республикасы Әлмәт муниципаль районының Әлмәт шәһәре территориясен төзекләндерү кагыйдәләре һәм Татарстан Республикасы Административ хокук бозулар турында кодексы нигезендә административ беркетмә төзелә. Аннары комиссия җәза чарасы турында Карар кабул итә — кисәтү яки 3 500 сумга кадәр штраф.
Әгәр дә сез хокук бозу шаһиты булсагыз, автомобильнең номеры һәм аның тирә-ягы ачык күренерлек итеп фотога төшерегез. Моннан тыш, ачыкланган хокук бозуның датасын, вакытын һәм урынын (адресын) күрсәтергә кирәк. Бу хакта электрон адреска хәбәр итәргә мөмкин Sokolova.Y@tatar.ru яисә 33-46-13 телефоны буенча Экология һәм төзекләндерү Департаментына һәм электрон почтага ekologiabuh@rambler.ru.