Һөнәри сайлауга ачык старт: техникумда ачык ишекләр көне
Техникумда «Профессионалитет» федераль проекты кысаларында оештырылган бердәм Ачык ишекләр көне үтте.
Укучылар һөнәрләр дөньясы белән танышу, мавыктыргыч чараларда катнашу һәм үзләрен булачак профессионаллар ролендә сынап карау өчен уникаль мөмкинлек алдылар.
«Профессионалитет» программасы амбассадорлары үткәргән класс сәгатьләре аеруча игътибарны җәлеп итте. Бу яшь белгечләр үзләренең тәҗрибәләре белән уртаклаштылар, һөнәри үсеш перспективалары турында сөйләделәр.
Моннан тыш, укучылар һөнәри пробаларда катнаштылар. Алар реаль эш процесслары атмосферасына чума алдылар, яңа күнекмәләрне үзләштереп карадылар һәм киләчәк үсеш юнәлешләрен билгеләделәр.
Ата-аналар шулай ук махсус оештырылган ата-аналар җыелышында катнашып, бу процесска актив кушылдылар. Биредә алар Урта һөнәри белем бирү системасының мөмкинлекләре һәм өстенлекләре турында күбрәк белделәр, мәгариф учреждениесе вәкилләре белән таныштылар һәм техникум җитәкчелегенә кызыксындырган сораулар бирделәр.
Бу көн укучыларга булачак һөнәр сайлауда беренче адымнарын ясарга, ә ата — аналарга үз балаларының перспективаларын яхшырак аңларга ярдәм иткән якты вакыйгага әверелде.