Әлмәтлеләрне «Әлмәт районы территориясендә иң яхшы хокук саклау органнары хезмәткәре» конкурсында катнашырга чакыралар
Хокук саклау органнары хезмәткәрләренең хокук тәртибен профилактикалау өлкәсендәге эшен хуплау һәм потенциаль мөмкинлекләрен тормышка ашыру максатларында Әлмәт муниципаль районында 2025 елның 20 октябреннән 7 ноябренә кадәр «Әлмәт муниципаль районы территориясендә хокук саклау органнарының иң яхшы хезмәткәре» конкурсы үткәрелә.
Конкурс шәхси составны хезмәт бурычларын сыйфатлы хәл итү, тәрбия процессларының нәтиҗәлелеге, әхлакый-эстетик тәрбия, әхлакый-психологик климатны һәм дисциплинаны ныгыту, яшь хезмәткәрләрне рухи-әхлакый һәм героик-патриотик тәрбияләү, хезмәт дисциплинасын, законлылыкны ныгыту, оператив-хезмәт эшчәнлегендә нәтиҗәлелекне арттыру мәсьәләләрендә ярышучанлыкка мобилизацияләү максатларында үткәрелә.
Конкурс түбәндәге номинацияләр буенча уздырыла:
- «Хезмәттәге батырлыгы өчен»;
- «Хезмәт бурычына тугрылык өчен»;
- «Һөнәри һәм иҗтимагый бурычка тугрылык өчен».
Конкурс 3 этапта уздырыла:
- 1 нче этап - 20 октябрьдән 24 октябрьгә кадәр - кандидатлар күрсәтү һәм конкурста катнашу өчен документлар тапшыру;
- 2 нче этап - 27 октябрьдән 31 октябрьгә кадәр-документларны карау, конкурста катнашучыларны сайлап алу;
- 3 нче этап - 3 ноябрьдән 7 ноябрьгә кадәр-номинацияләр буенча конкурс нәтиҗәләрен билгеләү, җиңүчеләрне бүләкләү.
Конкурста катнашу өчен кандидат структур бүлекчә җитәкчесе тарафыннан да, мөстәкыйль рәвештә дә күрсәтелергә мөмкин.
Конкурста катнашырга теләгән хезмәткәр конкурс комиссиясе рәисе исеменә гариза (Нигезләмәгә 1 нче кушымта) бирә.
Документларны тапшыру срогы-бу елның 24 октябреннән дә соңга калмыйча.
Конкурска тәкъдим ителгән документларны кабул итү һәм теркәү район Башкарма комитетының иҗтимагый һәм дини берләшмәләр белән хезмәттәшлек секторы тарафыннан башкарыла (Әлмәт шәһәре, Ленин ур., 39 йорт, 110 кабинет, тел: 39-01-51, Aygul.A@tatar.ru, эш режимы дүшәмбе-җомга 8.00 дән 17.00 гә кадәр, төшке аш 12.00-13.00).
Конкурста җиңүчеләргә Рәхмәт хаты һәм/яисә грамота һәм акчалата бүләкләү тапшырыла.