Әлмәт районының Елхово авылында Башкарма комитетның яңа бинасын ачтылар
Елхово авыл җирлегендә Башкарма комитетның яңа бинасын ачу тантанасы булды. Район өчен әһәмиятле вакыйганы Әлмәт районы башлыгы Гүзәл Хәбетдинова һәм «Муниципаль берәмлекләр Советы» Ассоциациясе рәисе Әгъзам Гобәйдуллин карады.
Элегрәк Башкарма комитетның үз бинасы булмаган. Заманча объект хезмәткәрләрнең нәтиҗәле эшләве өчен барлык кирәкле әйберләр белән җиһазландырылган. Башкарма комитет хезмәткәрләре өчен дә, килүчеләр өчен дә уңайлы шартлар тудырылган. Бинада кабинетлардан тыш архив һәм хуҗалык бүлмәләре дә бар.
«Төзелештә турыдан-туры катнашканнарның барысына да рәхмәтлемен. Яңа объект Елхово авыл җирлегендә яшәүчеләрне җәлеп итәрлек, квалификацияле ярдәм алу, идеяләр туу һәм аларны тормышка ашыру, бурычларны хәл итү урыны булыр дип ышанам», — дип ассызыклады район башлыгы.
Административ биналарны төзү һәм капиталь ремонтлау программасы 2016 елда Татарстан Республикасы Муниципаль берәмлекләре Советы инициативасы белән башланып китте.
Администрациянең яңа бинасын төзү Татарстан Республикасы Рәисе ярдәме белән мөмкин булды. «Татарстан Республикасы җирлекләре башкарма комитетлары биналарын төзү һәм капиталь ремонтлау» республика программасы кысаларында әлеге проектны гамәлгә ашыру өчен республика бюджетыннан 11 млн сумга якын акча бүлеп бирелгән. Бу авыл инфраструктурасын үстерүгә кирәкле өлеш.
Ачылу тантанасы азагында авыл үсешенә даими өлеш керткән өчен республика бүләкләре тапшырылды.