30 сентябрьдән Әлмәттә күпфатирлы йортларда этаплап җылыту башлана
Шәһәрнең барлык идарәче компанияләре йорт эчендәге бикләү арматураларын ачачак, шуннан соң җылылык акрынлап фатирларга керә башлаячак. Шуны аңлау мөһим: җылылык җибәрү-гади процесс түгел, батареялар тиз генә җылынмаска мөмкин. Торак йортларны җылытуга тоташтыру акрынлап, ике атна дәвамында барачак. Бу системаны салмак көйләү һәм мөмкин булган җитешсезлекләрне бетерү өчен кирәк.
Бу чорда идарәче компанияләр хезмәткәрләре торак йортларның подвалларын әйләнеп чыгачаклар, системаларны һава кертүне бетерәчәкләр, режимнарны җайга салачаклар һәм җылылык бирү кимүләрен бетерәчәкләр. Мондый чаралар җылытуның өзлексез эшләвен тәэмин итү һәм өйләрдә уңайлы температура булдыру өчен кирәк.
Шулай ук эшләтеп җибәргәннән соң беренче атналарда җылылык бирүдә өзеклекләр булуы мөмкинлеген дә исәпкә алырга кирәк. Җылылык белән бәйле проблемалар килеп чыккан очракта үзеңнең идарәче компанияга мөрәҗәгать итәргә кирәк.
Мөмкин булган штаттан тыш хәлләргә оператив җавап бирү өчен ресурслар белән тәэмин итүче барлык компанияләрнең авария бригадалары тәүлек буе эшлиләр. Җылыту сезонының барышы турында хисаплар шәһәр администрациясенә даими рәвештә килеп тора.
Шәхси йорт хуҗаларына: җылыту сезоны алдыннан газ җиһазларының, вентиляция каналларының һәм төтен чыгару юлларының төзеклеген тикшерергә кирәк. Газ казаннарын диагностикалау өчен белгеч чакыртырга һәм мөмкин булганча өйдә сезнең куркынычсызлык өчен угар газы датчигы урнаштырырга тәкъдим ителә.