Әлмәттә Татарстан Контроль-хисап органнары советы утырышы узды
Әлмәттә Татарстан Республикасы контроль-хисап органнары Советының Дәүләт һәм муниципаль финанс контроле өлкәсендәге экспертларны җыйган утырышы булды.
Катнашучыларга сәламләү сүзе белән район башлыгы Гүзәл Хәбетдинова мөрәҗәгать итте. Ул ассызыклаганча, муниципалитет тотрыклы рәвештә бюджет күләме буенча республика лидерлары рәтенә керә. 2025 елда районның берләштерелгән бюджеты 9 млрд сумнан артып китте, шул ук вакытта акчаның 80% ка якыны социаль ихтыяҗларга тотыла.
Утырышның төп темасы Финанс контроле өлкәсендәге процессларны цифрлаштыру булды. ТР Хисап палатасы аудиторы Илнур Мөбәрәков үз чыгышында төп тенденцияләрне билгеләде һәм бюджет акчаларын анализлау һәм контрольдә тотуның нәтиҗәлелеген күтәрә торган заманча технологияләр кертү кирәклегенә басым ясады.
Фикер алышуның аерым блогы «Находка-КСО» мәгълүмат системасын үстерүгә багышланган иде. ТР Хисап палатасының мәгълүматлаштыру бүлеге башлыгы Кореев проектның перспективалары турында сөйләде, киберкуркынычсызлык һәм мәгълүматларны саклау мәсьәләләренә аерым игътибар бирде.
Нәтиҗә ясап, Татарстан Республикасы Хисап палатасы Рәисе Алексей Демидов контроль-хисап органнары көчләрен координацияләүнең мөһимлеген билгеләп үтте, шулай ук республикада тышкы финанс контроле системасын алга таба үстерүнең өстенлекле юнәлешләрен билгеләде.