Әлмәттә капиталь ремонттан соң «Гаилә докторы» гомуми практика табибы офисы ачылды

2025 елның 16 сентябре, сишәмбе

Әлмәттә Ленин урамы, 195 адресы буенча «Гаилә докторы» гомуми практика табибы офисына капиталь ремонт ясалды.

«Озак һәм актив тормыш» милли проектының сәламәтлек саклауның беренчел звеносын модернизацияләү программасы кысаларында учреждениенең эчке биналары яңартылды.

Фойеда идән өслеге алыштырылган, яңа ишек конструкцияләре урнаштырылган, кабинетларга косметик ремонт ясалган һәм яңа линолеум җәелгән.

Яңартылган офис хәзер сыйфатлы һәм заманча медицина ярдәме күрсәтеп, районның 8 мең кешесен кабул итәргә әзер.