Әлмәтнең мохтаҗ гаиләләрдәге укучыларына көзге каникул вакытында Татарстан лагерьларында бушлай ял һәм сәламәтлек бирәчәкләр
Көзге каникуллар вакытында авыр тормыш хәлендә калган гаиләләрдәге балалар Татарстан Республикасы лагерьларында ял итә һәм сәламәтләнә алачак. Алар өчен 21 көнлек бушлай сменалар оештырылган.
Сменалар 2025 елның 2 октябреннән 22 октябренә кадәр «Радуга» (Чаллы шәһәре) һәм 6 октябреннән 26 октябренә кадәр «Раздолье» (Чистай районы) лагерьларында узачак.
Программада мәктәп фәннәре буенча дәресләр, аннан соң өлгереш табеле бирү, шулай ук ял итү каралган.
Юлламалар ата-ана кертеменнән башка, тулысынча Татарстан Республикасы бюджетыннан субсидияләр исәбеннән бирелә. Анда Әлмәт районында яшәүче 7 яшьтән 15 яшькә кадәрге балалар катнаша ала.
Юлламаны рәсмиләштерү өчен документлар комплектын Әлмәт шәһәренең Яшьләр эшләре идарәсенә (Герцен ур., 86а, мәшгульлек үзәге, 3 кат) тапшырырга кирәк. Кабул итү 8:30дан 16:30га кадәр (төшке аш 12:00дән 13:00гә кадәр) алып барыла. Белешмәләр өчен телефон: 8 (8553) 26-11-15 (өстәмә. 9).