Татарстан Республикасында юл хәрәкәте иминлеге атналыгы уза
Балалар катнашындагы юл-транспорт һәлакәтләрен профилактикалау максатларында 15-21 сентябрьдә Татарстан Республикасында юл хәрәкәте иминлеге атналыгы узачак. Татарстан Республикасы буенча Эчке эшләр министрлыгының Дәүләт автоинспекциясе хезмәткәрләре җәяүлеләргә хәрәкәттә өстенлек бирмәү, балаларны йөртү кагыйдәләрен бозу һәм балаларның үзләре тарафыннан юл йөрү кагыйдәләрен бозу очракларын булдырмау буенча эшне көчәйтәчәкләр.
17 сентябрь - «Бердәм юл хәрәкәте иминлеге көнендә» мәгариф оешмаларында укучылар, педагогик хезмәткәрләр һәм ата-аналар белән юл хәрәкәте иминлеген пропагандалау буенча тематик чаралар узачак.
Планлаштырылган тематик агитация-пропаганда чаралары «Юл хәрәкәте иминлеге» ДБУ, мәгариф хезмәткәрләре, муниципаль хезмәткәрләр, иҗтимагый оешмалар әгъзалары һәм хәрәкәтнең яшь инспекторлары отрядлары белән тыгыз элемтәдә үткәреләчәк.
Татарстан Республикасы буенча Эчке эшләр министрлыгының Дәүләт автоинспекциясе барлык юл хәрәкәтендә катнашучыларны игътибарлы һәм сак булырга чакыра.
Машина йөртүчеләргә җәяүлеләр кичүе алдыннан тизлекне киметергә кирәк. Җәяүлеләр, үз чиратында, машина юлын җәяүлеләр кичүләре аша гына, ә юл чатында тротуар яки юл кырые буенча гына кисеп үтәргә кирәклеген истә тотарга тиеш. Күз күреме зонасында кичү яки киселеш булмаганда, юлны ике якка да яхшы күренә торган бүлгеч полосасыз һәм киртәсез участокларда юл кырыена туры почмак ясап кичәргә мөмкин. Транспорт чарасын йөртүченең хәрәкәттә өстенлек бирүенә инангач кына, машина юлын кичәргә рөхсәт ителә. Өстәмә рәвештә җәяүлеләргә юл кичү алдыннан кул белән сигнал бирергә киңәш ителә.
Җәяүлеләр тәүлекнең караңгы вакытында яисә күз күреме җитмәү шартларында юлны кичкәндә һәм юл кырыйлары яисә юл кырыенда торак пунктлардан читтә хәрәкәт иткәндә үзләре белән яктылыкны кире кайтара торган элементлы предметлар йөртергә һәм аларны транспорт чаралары йөртүчеләре белән күрү мөмкинлеген тәэмин итәргә тиеш. СВЭ куллану җәяүлеләргә торак пунктларда йөргәндә дә тәкъдим ителә.
Фаралар яктысы кабызылган автомобиль хәрәкәт иткәндә, йөртүче караңгыда җәяүлене күрә ала торган ара 50 метрга тигез. Бәрдермәс өчен бу гына җитми. Әгәр җәяүленең киемендә яктылык кайтаручы элемент булса, бу ара 200 метрга кадәр арта. Яктылык кайтаргычсыз еракта фонарьлар яктысында җәяүле машина йөртүчегә 100 метр ераклыкта, ә әлеге элементлардан файдаланып – 350 метр ераклыкта күренәчәк. Яктылыкны кире кайтара торган элементларны куллану җәяүлене бәрдерү куркынычын 65% ка киметә.