Әлмәттән Айдар Миңнебаев «Хезмәт кешесе» Милли премиясенең республика этабында җиңүче булды
Татарстан Республикасы Хезмәт, халыкны эш белән тәэмин итү һәм социаль яклау министрлыгында «Хезмәт кешесе» Милли премиясенең республика оештыру комитетының хезмәт өлкәсендәге күренекле казанышларны тануга һәм бүләкләүгә юнәлдерелгән утырышы булды.
Утырыш барышында Татарстан Республикасының барлык районнарыннан «Технологик лидер», «Иң яхшы остаз», «Яшь белгеч», «Гаилә хезмәт династияләре», «Ветераннар Советы» һәм «Хезмәт патриотик тәрбиясе» номинацияләре буенча килгән 158 гариза каралды. Төрле өлкә экспертларыннан торган компетентлы комиссия премиянең республика этабында бүләкләнәчәк һәр номинациядә өчәр җиңүчене билгеләде.
Билгеләп үтелгән хезмәт коллективлары вәкилләре арасында - «Яшь белгеч» номинациясендә җиңгән Әлмәттән «ТИ-Биотех» фәнни-җитештерү берләшмәсе» ҖЧҖ проектлар төркеме җитәкчесе Миңнебаев Айдар Сәмигулла улы. Бүләк аның тырышлыгы һәм һөнәри казанышларының әһәмиятен, шулай ук республика территориясендә инновацион технологияләр үсешенә керткән өлешен ассызыклый.