«Сайлауларга һәрвакыт балалар белән киләбез»: Әлмәттән иң зур күп балалы гаилә тавыш бирүдә катнашты

2025 елның 14 сентябре, якшәмбе

846 нчы сайлау участогында бүген аеруча күңелле булды! Әлмәт районының иң зур күп балалы гаиләсе-Федоровлар гаиләсе гражданлык бурычын үтәде!

12 бала тәрбияләүче Денис һәм Ирина, бердәмлек, гаилә кыйммәтләре һәм төбәкнең киләчәгенә җаваплы мөнәсәбәт үрнәге күрсәтеп, Татарстан Республикасы рәисен һәм муниципаль берәмлекләрнең вәкиллекле органнары депутатларын сайлауга бөтен состав белән килделәр.

«Безнең гаиләдә барысын бергә эшләү кабул ителгән, шуңа күрә сайлауларга да без барыбыз да килдек», — дип уртаклаштылар Федоровлар.

Бергә яшәгән 22 ел эчендә ир белән хатын ныклы һәм тату гаилә корганнар, аларда мәхәббәт, кайгырту һәм үзара аңлашу хөкем сөрә. Федоровлар балаларны тәрбияләүгә зур игътибар бирәләр, аларга Хезмәткә хөрмәт, белемнең кыйммәте, игелек һәм ярдәмчеллек тәрбиялиләр. Кичке китап уку-гаиләнең иң яраткан традицияләренең берсе.