Эш кайный! Төбәк автоюлын ремонтлау дәвам итә!

2025 елның 11 сентябре, пәнҗешәмбе

«Тормыш өчен инфраструктура» милли проекты кысаларында «Казан — Оренбург — Кәләй ст. — Яр Чаллы — Зәй — Әлмәт» региональ автомобиль юлы участогында ремонт эшләре дәвам итә.

Беренче этап кысаларында юл хезмәтләре 1,25 километр участогына асфальт түшәмәнең аскы катламын салдылар инде. Юлның калган өлешендә хәзер нигезне әзерләү — ком һәм вак таш мендәрләр салу бара.

Исегезгә төшерәбез, быел 3 километрлы участок яңартыла. Киләчәктә ремонтны тагын 3,9 километрга дәвам итү планлаштырыла. Эшләрне тулысынча 2027 елга тәмамлау планлаштырыла.