«Мобиль сайлаучы» аша участок сайлауга гаризалар бирү срогы тәмамлана

2025 елның 10 сентябре, чәршәмбе

Бүген, 10 сентябрь, Әлмәт халкының «Мобиль сайлаучы» механизмы буенча Татарстан Республикасы Рәисе сайлауларында катнашу өчен гариза бирә алган соңгы көне.

Әлеге механизм сайлаучыларга, теркәлү урынына карамастан, тавыш бирү өчен иң уңайлы участокны сайларга мөмкинлек бирә.

Гариза бирергә мөмкин:

• күп функцияле үзәкләрдә, территориаль һәм участок комиссияләрендә-18:00 гә кадәр, эш режимы нигезендә;
• «Госуслуги» порталы аша-23:59 кадәр.

Әлмәттә Бердәм тавыш бирү көнендә, 14 сентябрьдә, бердәм округ һәм 314 бер мандатлы сайлау округы буенча ТР рәисен сайлаулар, муниципаль берәмлекләрнең вәкиллекле органнарына депутатлар сайлаулар узачак.