Нефть һәм газ сәнәгате хезмәткәрләре көне белән!

2025 елның 6 сентябре, шимбә

Безнең шәһәр хаклы рәвештә Татарстанның нефть башкаласы исемен йөртә, һәм бүген без үзенчәлекле бәйрәм — Нефть һәм газ сәнәгате хезмәткәрләре көнен билгеләп үтәбез.

Әлмәт районы Татарстан Республикасының сәнәгать җитештерүендә алдынгы урынны алып тора. Район икътисадының нигезен «Татнефть» төркеме бүлекчәләре, «ТаграС-Холдинг» предприятиеләре, машина төзелеше һәм башка катнаш производстволардан торган нефть чыгару тармагы тәшкил итә.

Нефтьчеләребезнең югары профессиональлеге һәм җаваплы карашы нәтиҗәсендә безнең район һәм республика ышанычлы рәвештә үсә, яңа проектларны тормышка ашыра һәм тормыш өчен уңайлырак була бара.

Нефть-газ комплексы хезмәткәрләрен, тармак ветераннарын һөнәри бәйрәмнәре белән котлыйбыз! Ныклы сәламәтлек, гаилә иминлеге, яңа хезмәт казанышлары телибез!