Хәзер «зебра» лазер проекциясен Нефтьчеләр урамында да күрергә мөмкин

2025 елның 5 сентябре, җомга

Агымдагы елның февралендә Ленин урамындагы җайга салынмый торган кичүдә «зебра» лазер проекциясен урнаштырдылар.

Проекцион җәяүлеләр кичүе сынау чорын уңышлы узды һәм үз эшен дәвам итәчәк.

Хәзер шундый ук «зебралар» Нефтьчеләр урамында да барлыкка килде — музыка көллияте һәм ЦДЮТ янында. Бу урыннар очраклы гына сайланмаган: биредә көн саен мәгариф һәм мәдәният учреждениеләренә юл тотучы дистәләгән балалар һәм яшүсмерләр уза.

Лазер проекторлары күчүне яктыртачак һәм машина йөртүчеләргә тизлекне киметү кирәклеге турында сигнал бирәчәк.

Исегезгә төшерәбез, проект инициативасын район башкарма комитеты җитәкчесе Гүзәл Хәбетдинова да хуплады.