«Безнең ишегалды» программасы кысаларында ишегалларын төзекләндерү турында сөйләүне дәвам итәбез

2025 елның 5 сентябре, җомга

Хәзерге вакытта Чехов урамы, 4, 6, 8, 10 һәм Чернышевский урамы, 30 адреслары буенча эшләр төгәлләнә.

Проект кысаларында инде төп эшләр башкарылган: юлның асфальт түшәмәсе яңартылган, эскәмияләр һәм урналар өчен мәйданчыклары булган уңайлы тротуарлар төзелгән, шулай ук заманча фонарьлар урнаштырылган. Яңа балалар мәйданчыгы заманча уен комплекслары белән җиһазландырылган. Шулай ук каты коммуналь калдыкларны җыю мәйданчыгы да төзекләндерелде.

Йомгаклау этабында спорт мәйданчыгының калган элементларын урнаштыру һәм яшелләндерү өчен кара туфрак кайтару планлаштырыла, бу халык өчен уңайлы һәм күңелле атмосфера тудырачак.

Программа башланганнан бирле Әлмәттә 300 ишегалды төзекләндерелгән, быел аларның саны 51 гә артачак.