Яшьләр сәясәте учреждениеләре арасында грант конкурсына гаризалар кабул итү башланды
Татарстан Республикасы Яшьләр эшләре Министрлыгы яшьләр сәясәтенең муниципаль учреждениеләре арасында яшьләр сәясәте өлкәсендә социаль әһәмиятле проектларны гамәлгә ашыруга грантлар конкурсы оештыра. 2024 елда грант алучылар итеп 37 муниципаль берәмлектән 69 учреждение билгеләнде.
2025 елның сентябрь-октябрь айларында 2026 елда проектларны гамәлгә ашыруга конкурсның гариза бирү кампаниясенә старт бирү планлаштырыла. Грант ярдәменең гомуми күләме 50 млн сум тәшкил итәчәк.
Конкурста катнашу өчен муниципаль яшьләр үзәкләре, яшүсмерләр клублары, «Форпост» үзәкләре, психологик-педагогик ярдәм үзәкләре һәм яшьләр сәясәтенең башка учреждениеләре гариза бирә ала. Проектлар яшьләр аудиториясенә һәм муниципаль районнарда дәүләт яшьләр сәясәтен үстерү бурычларын хәл итүгә юнәлдерелгән булырга тиеш.
Сайлап алу иҗтимагый финанслар белән идарә итүнең «Электрон бюджет» дәүләт интеграцияләнгән мәгълүмат системасында гамәлгә ашырыла.