Бүген Әлмәт районының 64 мәктәбендә Беренче кыңгырау чыңлады
Бүген Әлмәт районының барлык 64 мәктәбендә Белем көненә багышланган тантаналы линейкалар узды. Күптән көтелгән бу көн укуда беренче адымнарын ясаган беренче сыйныф укучыларын да, быел хәлиткеч ел булачак өлкән сыйныф укучыларын да парта артына җыйды.
Яңа уку елы башлану белән Кәләй мәктәбе һәм М.К. Таһиров исемендәге 1 нче лицей укучылары, педагоглары һәм ата-аналарын Татарстан Республикасы Җир һәм мөлкәт мөнәсәбәтләре министры Азат Кадыйров котлады. Ул Татарстан Республикасы Рәисе Рөстәм Миңнехановның котлау мөрәҗәгатен укыды, анда республика башлыгы сыйфатлы белем алуның мөһимлеген ассызыклады һәм барлык укучыларга белемнәрен үзләштерүдә уңышлар теләде.
Бу көн мәңгегә истә калырлык беренче сыйныф укучылары күңелне нечкәртеп шигырьләр укыдылар, җырлар башкардылар. Аларның номерлары линейкаларның матур бизәгенә әверелде һәм җыелганнарга бик күп җылы елмаюлар бүләк итте.
Яңа уку елы казанышлар, якты җиңүләр һәм хыялга ышанычлы адымнар чоры булсын!