Студент кызлар өчен йөклелек һәм бала табу буенча пособие

2025 елның 1 сентябреннән студент кызлар социаль фондтан яшәү минимумы нигезендә исәпләнгән йөклелек һәм бала табу буенча пособие ала алачак. Түләүне югары уку йортларында, көллиятләрдә, училищеларда, техникумнарда, өстәмә һөнәри белем бирү оешмаларында һәм фәнни оешмаларда көндезге бүлектә укучы студент кызларга бюджет яки түләүле нигездә укуларына карамастан билгеләячәкләр.

Пособиенең конкрет суммасы йөклелек һәм бала табу буенча ял озынлыгына һәм яшәү төбәгенә бәйле булачак. Түләүгә гариза бирергә мөмкин булачак:

- дәүләт хезмәтләре порталы аша;

- Социаль фондның клиент хезмәтендә; -

- күп функцияле үзәктә.

Түләүне рәсмиләштерү өчен турыдан-туры таләп ителәчәк:

- медицина оешмасыннан хезмәткә сәләтсезлек чорын раслый торган белешмә;

- уку йортыннан көндезге формада йөклелек һәм бала табу буенча отпуск вакыты күрсәтелгән белешмә.

Социаль ярдәм чаралары, Россия Социаль фондының Татарстан Республикасы буенча бүлегенең түләүләре һәм хезмәт күрсәтүләре турында тулы һәм дөрес мәгълүматны РСФ сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.

Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:30 дан 17:30 га кадәр, җомга көнне — 08:30 дан 16:15кә кадәр, тәнәфессез, шалтырату бушлай).

Белешмәләр өчен телефон: 32-18-30, 32-18-15.