Әлмәт предприятиеләре җитәкчеләренә алкоголь сатуны чикләргә киңәш итәләр

2025 елның 27 августы, чәршәмбе

1 сентябрьдә «Белем көне» чарасын уздыруга бәйле рәвештә һәм 6 сентябрьдә «Нефтьче көне» чарасын уздыруга бәйле рәвештә төрле милек рәвешләрендәге сәүдә һәм җәмәгать туклануы предприятиеләренә алкогольле эчемлекләр һәм сыра сатудан тыелырга киңәш ителә.

Бу шәһәр һәм район халкының, мәгариф, мәдәният, сәламәтлек саклау оешмалары, учреждениеләре җитәкчеләренең һәм мәктәпләрнең ата-аналар комитетлары җитәкчеләренең яшь буынның сәламәтлеген саклау, спиртлы эчемлекләр һәм сыра кулланудан баш тартуны пропагандалау, шулай ук халык күпләп җыела торган урыннарда җәмәгать тәртибен саклау максатларында мөрәҗәгатьләренә бәйле.