Әлмәттә гомумшәһәр планеркасы булды
Бүген Әлмәт районы башлыгы урынбасары Роза Әфләтунова рәислегендә гомумшәһәр планеркасы узды.
ӘМР Советы Аппараты җитәкчесе Әнүзәр Юнысов 2025 елның 18 августындагы планерка беркетмәсенең үтәлеше турында хәбәр итте. Күпфатирлы торак йортларны җылыту чорына әзерләүгә, күпфатирлы торак йортларга капиталь ремонт ясауга, «Безнең ишегалды» республика программасы кысаларында эшләрне төгәлләүгә, авария хәлендәге агачларны кисүгә һәм печән чабуга сораулар контрольдә калды. Роза Әфләтунова, графиктан калышмас өчен, «Безнең ишегалды» республика программасы кысаларында эшләрне тәмамлауны тизләтергә кушты.
Әлмәт муниципаль районында кече һәм урта эшмәкәрлекне үстерү буенча максатчан күрсәткечләрнең үтәлеше турындагы нотык белән Башкарма комитет җитәкчесенең икътисад буенча урынбасары Аяз Ямалетдинов чыгыш ясады. Бүгенге көндә бу сегментта 35 меңгә якын кеше эшли, бу узган ел күрсәткеченнән һәм ТР Икътисад министрлыгы билгеләгән планнан 4% ка югарырак.
Электрон сәүдәне үстерү-Әлмәт районы администрациясе эшендә өстенлекле юнәлешләрнең берсе. Кече һәм урта бизнеска онлайн-каналларны үзләштерүдә ярдәм итү эшмәкәрләргә сату базарларын киңәйтергә һәм конкурентлык сәләтен арттырырга мөмкинлек бирә.
Бу юнәлештә актив эшләү нәтиҗәсендә районда маркетплейсларда эшләүче эшмәкәрләр саны 6% ка артты һәм 2 398 субъектка җитте. Икътисад министрлыгы тарафыннан билгеләнгән еллык план инде 4% ка арттырып үтәлгән.
Эшмәкәрләргә ярдәм итүдә «Республика маркетинг үзәге» мөһим роль уйный. 2024 елда район эшмәкәрләре РМЦДА 3,5 млрд сум табыш алган, бу узган ел күрсәткеченнән 5 тапкырга артык.
Эшмәкәрләргә электрон сәүдәне үзләштерүдә ярдәм итү өчен укыту программалары гамәлгә ашырыла. Быел 350 эшмәкәрне маркетплейсларда эшләү һәм электрон аукционнарда катнашу нигезләренә өйрәтү планлаштырыла. Шулай ук тәҗрибәле тәэмин итүчеләр өчен актуаль сатулар турында даими мәгълүмат тарату оештырылган.
Ахырда Әнүзәр Юнысов киләсе атнага чаралар планын тәкъдим итте.