Әлмәттән пар туйга 100 мең сумлык грант алган

2025 елның 19 августы, сишәмбе

Быел җәй көне Татарстан Республикасы Рәисе Рөстәм Миңнеханов ярдәме белән яшьләр эшләре министрлыгы бөтен ил өчен уникаль булган «Яшь парларга грантлар» социаль проектын эшләтеп җибәрде. Ул яшь гаиләләргә ярдәм итү өчен булдырылган һәм 2025 ел ахырына кадәр гамәлдә булачак.

Җиңүчеләр арасында-Әлмәттән килгән пар: Ралиф Галимов һәм Таңсу Миңнебаева. Аларның тарихы алты ел элек концертта башланды, ә быел май аенда Ралиф сөйгәненә тәкъдим ясады. 22 августта аларның туйлары була.

Алар конкурста катнашу өчен гариза бирергә булдылар һәм «Татарстанның яшь парларына грантлар» сертификатына ия булдылар. Грант күләме 100 мең сум тәшкил итте, аны пар тантананы оештыруга җибәрәчәк.

Ралиф белән Таңсуны җиңүләре белән котлыйбыз һәм бәхетле гаилә тормышы телибез!