Татарстан Социаль фонды бүлеге балалы 106 мең гаиләгә бердәм пособие билгеләде

2025 елның 1 августына төбәктә балалы 106 мең гаилә бала туу һәм тәрбияләү белән бәйле рәвештә бердәм пособие алган. РСФның Татарстан Республикасы буенча бүлеге бу максатларга 15 млрд сумга якын акча җибәрде.

Татарстанда балалы гаиләләр өчен бердәм пособие ата-аналарның берсенә (опекупларны / попечительләрне уллыкка алучыларга) бирелә һәм кайбер шартларны исәпкә алып билгеләнә. Түләүгә гаиләдә бер кешегә айлык кереме җан башына региональ яшәү минимумыннан артмаган гаиләләр, шулай ук хисап чорында гаиләнең хезмәткә сәләтле һәр әгъзасының кереме кимендә 4 МРОТ тәшкил иткән гаиләләр хокуклы. Шул ук вакытта гаилә милке билгеләнгән критерийларга туры килергә тиеш, мөрәҗәгать итүче дә, пособие билгеләнә торган балалар да — Россия Федерациясендә даими яшәүче Россия Федерациясе гражданнары.

Пособие күләме гаилә кеременә бәйле һәм Татарстанда билгеләнгән балага яшәү минимумының 50%, 75% яки 100% тәшкил итәргә мөмкин. 2025 елда ул 14 621 сумга тигез. Шулай итеп, түләү суммасы аена 7 310,5 сумнан 14 621 сумга кадәр. Бердәм пособие бер елга билгеләнә һәм гариза буенча озайтыла.

«Социаль фонд пособиеләр билгеләү турындагы гаризаларны мөмкин кадәр оператив карарга омтыла. Карар барлык кирәкле мәгълүматлар һәм документлар килгәннән соң 10 эш көне эчендә чыгарыла», - дип ассызыклады Россия Социаль фондының Татарстан Республикасы буенча бүлеге идарәчесе Эдуард Вафин.

Әгәр сезнең сорауларыгыз калса, сез һәрвакыт Бердәм контакт-үзәккә шалтырата аласыз— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:30 дан 17:30 га кадәр, җомга көнне — 08:30 дан 16:15кә кадәр, тәнәфессез, шалтырату бушлай).

Россия Социаль фондының Татарстан Республикасы буенча бүлеге хезмәтләре турында барлык мәгълүматны РСФ сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.

Белешмәләр өчен телефон: 32-18-30, 32-18-15.