Менә алар - шәһәрне төзекләндерүдә һәм микрорайоннарның тормышын оештыруда актив ярдәмчеләр!
Бүген территориаль иҗтимагый үзидарә - халыкны берләштерү формасы гына түгел, ә микрорайоннарны яхшы якка үзгәртергә ярдәм итүче чын көч.
Әлмәттә 36 ТИҮ эшли. Аларның һәркайсы-инициативаны үз өсләренә алган актив кешеләр командасы: ишегалларын төзекләндерәләр һәм территорияләрне яшелләндерәләр, экология турында кайгырталар, бәйрәмнәр һәм чаралар оештыралар, ветераннарга, өлкәннәргә һәм мөмкинлекләре чикләнгән кешеләргә ярдәм итәләр, җәмәгать тәртибен тәэмин итүдә булышалар, ТКХ һәм шәһәр хезмәтләре белән үзара хезмәттәшлекне җайга салалар.
2015 елдан ТИҮләр «Татарстанның иң яхшы ТИҮе» республика конкурсында актив катнаша. 2023 елда Әлмәтнең 19 ТИҮ 10 млн сумнан артык грант откан. Бу акчаларга ишегалларында кече архитектура формалары һәм спорт җиһазлары сатып алынды һәм урнаштырылды. 2024 елда 12 ТИҮ 7 млн сумга якын грант алган. Бу акча балалар һәм спорт мәйданчыклары урнаштыруга, ишегалларын яктыртуга һәм социаль проектларны гамәлгә ашыруга юнәлдерелгән.
Татарстан Республикасы Рәисе Рөстәм Нургали улы Миңнеханов территориаль иҗтимагый үзидарә институтын үстерүгә аерым игътибар бирә. Республика бюджетыннан ел саен ТИҮ җитәкчеләренә түләүләр һәм иң яхшы инициативаларга грантлар бирү өчен акча бүлеп бирелә.