«Безнең ишегалды» программасын гамәлгә ашыру турында сөйләүне дәвам итәбез

2025 елның 12 августы, сишәмбе

Республика программасы нәтиҗәсендә Әлмәттә тагын бер ишегалды үзгәрде!

Татарстан Республикасы Рәисе Рөстәм Миңнеханов инициативасы белән гамәлгә ашырыла торган «Безнең ишегалды» программасы халыкны сөендерүен дәвам итә. Нефтьчеләр урамы, 39 һәм Тынычлык урамы, 13 адресы буенча урнашкан ишегалды төзекләндерүнең чираттагы үрнәге булды.

Биредә куркынычсыз өслекле заманча балалар мәйданчыгы, тротуарлар, эскәмияләр һәм урналар, яңартылган асфальт өслек, каты коммуналь калдыклар өчен мәйданчык һәм хуҗалык-көнкүреш җиһазлары пәйда булды.

Хәзер халык ишегалдында вакытларын уңайлы итеп үткәрә, күршеләре белән аралаша, спорт белән шөгыльләнә һәм балалар белән ял итә ала.

Исегезгә төшерәбез, республика программасы нәтиҗәсендә Әлмәт районы киң колачлы төзекләндерү кичерә. 51 ишегалды территориясен яңартуга көз башына 474 миллион сумнан артык акча юнәлдерелгән.