Әлмәттә 3 миллиард тонна Татарстан нефте хөрмәтенә куелган һәйкәлне яңарттылар

2025 елның 11 августы, дүшәмбе

Әлмәттә шәһәрнең төп символларының берсе – 3 миллиард тонна нефть чыгаруга багышланган монументны яңарттылар.

Хәзер монумент тирәсендәге баскыч кичке вакытта үзенчәлекле атмосфера тудыручы заманча яктырткыч белән бизәлгән. Моннан тыш, плитка өслеге тулысынча реставрацияләнде.

Бу эшләр Татарстанның нефть сәнәгатенә багышланган һәйкәлләрне яңарту буенча масштаблы программаның бер өлеше булды, аны «Татнефть» компаниясе үзенең 75 еллыгы уңаеннан гамәлгә ашыра. Әлмәттәге монументтан тыш, шәһәрдә тагын 6 һәйкәл, шулай ук бөтен Татарстан буенча берничә дистә объект яңартылган.

Исегезгә төшерәбез, 2007 елда куелган монумент өч миллиард тонна нефть чыгаруны символлаштыра: беренче миллиардын 1971 елда, икенчесен – 1981 елда, өченчесен-2007 елда. 27 метр биеклектәге унике куәтле көмеш агым бу тарихи вакыйганың нефть тармагы һәм бөтен Татарстан өчен әһәмиятен гәүдәләндерә.