Гүзәл Хәбетдинова администрация командасындагы үзгәрешләр турында хәбәр итте
Бүген гомумшәһәр киңәшмәсендә Әлмәт районы башкарма комитеты җитәкчесе Гүзәл Хәбетдинова яңа кадрлар карары турында игълан итте: Башкарма комитет җитәкчесенең социаль эшләр буенча урынбасары итеп Фәнис Флоридович Мортазин билгеләнде.
Фәнис Флоридович 1992 елның 8 августында Әлмәттә туган. Югары белемле, «РФ Президенты каршындагы Россия халык хуҗалыгы һәм дәүләт хезмәте академиясе» ЮББ ФДБМУ (Мәскәү шәһәре, дәүләт хезмәте һәм идарә институты) «дәүләт һәм муниципаль идарә» юнәлеше буенча тәмамлаган, магистр дәрәҗәсе алган.
Фәнис Флоридович – җиде елдан артык җитәкче вазифаларында эшләүче тәҗрибәле идарәче.
Ул социаль яклау, сәламәтлек саклау, мәгариф, мәдәният, спорт һәм яшьләр сәясәте белән бәйле мәсьәләләрне җитәкләячәк. Аның алдында социаль программаларны гамәлгә ашыру, махсус хәрби операциядә катнашучыларга һәм гаиләләргә һәм халыкның социаль яктан зәгыйфь катламнарына ярдәм итү, шулай ук Әлмәт районында яшәүчеләрнең барысына да сыйфатлы социаль хезмәтләр күрсәтү мөмкинлеген тәэмин итү буенча мөһим бурычлар тора.
Фәнис Флоридовичны яңа эшкә билгеләнүе белән котлыйбыз һәм шәһәр һәм район хакына уңышлы эш телибез!