Әлмәттә «Безнең ишегалды – яхшы күршеләр» проекты кысаларында ишегалды бәйрәмнәре дәвам итә

2025 елның 7 августы, пәнҗешәмбе

Бүген бәйрәм чаралары Ленин урамындагы 4 нче йорт ишегалдында узды.

Йорт яны территориясен үзгәртеп кору шатлыгын уртаклашырга Әлмәт районы башкарма комитеты җитәкчесе Гүзәл Хәбетдинова, район башлыгы урынбасары Роза Әфләтунова килде.

Әлмәт үсешенә зур өлеш керткән шәһәрлеләрне бүләкләү һәм булачак беренче сыйныф укучыларына портфельләр тапшыру бәйрәмнең якты мизгеле булды.

«Татарстанда җәй» республика проекты кысаларында кунакларны күңел ачу программасы көтә иде: яндыргыч концерт номерларыннан һәм иҗади мастер-класслардан алып спорт активлыкларына кадәр һәм чын бәйрәм рухы тудырган хуш исле пылау белән сыйлауга кадәр.