Әлмәттә «Безнең ишегалды - яхшы күршеләр» якты һәм җылы бәйрәмнәр сериясенә старт бирелде
Беренче бәйрәм Р.Фәхретдин урамы, 65 йорт адресы буенча урнашкан ишегалдында узды. «Татарстанда җәй» проекты кысаларында кунакларны бай программа көтте. Халык конкурсларда һәм мастер-классларда катнашты, шәһәрнең талантлы музыкаль коллективлары чыгышларыннан ләззәт алды, шулай ук иң яшь кешеләр өчен оештырылган уен мәйданчыкларында күңел ачты.
Бәйрәмне ачуда һәм бүләкләүне уздыруда Әлмәт муниципаль районы башкарма комитеты җитәкчесе Гүзәл Хәбетдинова, район башлыгы урынбасары Роза Әфләтунова һәм ветераннар Советы Рәисе Владимир Яшанин катнашты. Депутатлар корпусыннан халыкны Шәһәр Советы депутатлары Айдар Шәрифуллин һәм Николай Бочкарев котлады.
Кичәнең кульминациясе бүләкләү тантанасы булды, анда үз ишегалдын төзекләндерүгә һәм үстерүгә өлеш керткән аеруча актив кешеләр билгеләп үтелде.
Татарстан Республикасы Рәисе Рөстәм Миңнеханов инициативасы белән оештырылган «Безнең ишегалды» программасын гамәлгә ашыруның 5 елында Әлмәт районында 300 ишегалды төзекләндерелде, ә быел аларга тагын 51 ишегалды территориясе өстәләчәк.