Гүзәл Хәбетдинова «Каракүз» этно-модерн фестивален оештыручыларга һәм анда катнашучыларга рәхмәт белдерде
Әлмәттә уникаль «Каракүз» этно-модерн фестивале тәмамланды, ул традиция буенча киң колачлы һәм мавыктыргыч узды. Өч атна эчендә фестиваль мәйданчыгында 100 меңнән артык кеше булды.
«Татарстанда җәй» фестивале һәм проекты кысаларында шәһәр халкы һәм кунаклары традицион һөнәрчелек мастер-классларыннан алып матур концерт номерларына һәм масштаблы кичке тамашаларга кадәр этник мәдәният атмосферасына чума алды.
Район башкарма комитеты җитәкчесе Гүзәл Хәбетдинова фестивальне оештыручыларга — «Татнефть» ГАҖ компаниясенә, артистларга, волонтерларга бердәм хезмәтләре һәм чараны югары дәрәҗәдә үткәрүләре өчен рәхмәт белдерде.
«Әлмәт илнең төрле почмакларыннан кунакларны күбрәк җәлеп итә. «Каракүз» мәдәният бәйрәменә генә түгел, талантлы кешеләрнең очрашу, иҗади идеяләр һәм Илһам алмашу урынына да әверелде. Фестивальне оештырган өчен «Татнефть» компаниясенә рәхмәт, ә барлык кунакларыбызга бу вакыйгага бүләк иткән игътибарлары, хис — кичерешләре һәм шатлыклары өчен рәхмәт», — дип билгеләп үтте Гүзәл Хәбетдинова.