Ленин урамында юлны капиталь ремонтлауның икенче этабы башланды

2025 елның 30 июле, чәршәмбе

Әлмәттә шәһәрнең төп транспорт артерияләренең берсе булган Ленин урамын капиталь ремонтлауның икенче этабына старт бирелде. «Татнефтедор» ҖЧҖ Радищев урамыннан Мәрҗани урамына кадәрге участокта эшкә кереште, анда борт ташларын сүтү һәм иске асфальт түшәмәне фрезерлауга әзерләнү башланды.

Автомобиль хуҗаларыннан ремонт эшләре вакытында автомобильләрне бу участокта калдырмауларын сорыйбыз.

Капиталь ремонтның Фәхретдин урамыннан Радищев урамына кадәрге участогын үз эченә алган беренче этабы тәмамлану стадиясендә. Хәзерге вакытта тукталыш мәйданчыгын үзгәртеп кору һәм буфер зонасын төзекләндерү эшләре алып барыла.

Ленин урамын капиталь ремонтлау — Әлмәттә 2025 елда гамәлгә ашырыла торган масштаблы юл программасының бер өлеше. Татарстан Республикасы Рәисе Рөстәм Миңнеханов һәм Әлмәт районы башкарма комитеты җитәкчесе Гүзәл Хәбетдинова ярдәме белән быел районда гомуми озынлыгы 35 чакрым булган 80нән артык урам яңартылачак.