Авыл хуҗалыгы җирләрен күчерүнең яңа тәртибе: нәрсәләр белергә кирәк?
2025 елның 1 апрелендә «Россия Федерациясенең аерым закон актларына үзгәрешләр кертү турында» 52-ФЗ номерлы Федераль закон кабул ителде, ул авыл хуҗалыгы билгеләнешендәге җирләрне башка категориягә күчерү тәртибен үзгәртә. 2026 елның 1 мартыннан җирләрне күчерү процедурасы яңа, күп баскычлы тәртип буенча узачак.
Процедура алты этаптан торачак:
- Территориаль планлаштыру документларына үзгәрешләр кертелгәннән соң кызыксынучы зат тарафыннан үтенечнамә бирү.
- Үтенечнамәне РФ субъектының башкарма органы тарафыннан карау һәм җирләрне күчерү турындагы тәкъдимне субъектның иң югары вазыйфаи затына җибәрү (баш тарту өчен нигезләр булмаганда).
- Субъектның иң югары вазыйфаи заты тарафыннан региональ парламентка закон чыгару инициативасы кертү.
- Россия Федерациясе Авыл хуҗалыгы министрлыгы белән килешү — 20 көн карау вакыты.
- Җирләрне күчерү турында региональ канун чыгару органы тарафыннан канун кабул итү.
- Кабул ителгән закон нигезендә субъектның башкарма органы актын чыгару.
❗ ️2026 елның 1 мартыннан 2033 елның 31 декабренә кадәр җирләрне башка категорияләргә күчерү бары тик 2020 елның 31 июлендәге 254-ФЗ номерлы Федераль законда каралган инфраструктураны модернизацияләү һәм киңәйтү буенча өстенлекле проектларны гамәлгә ашыру өчен генә рөхсәт ителәчәк. Ә 2034 елның 1 гыйнварыннан гомумтаралган файдалы казылмалар чыгару максатларында авыл хуҗалыгы җирләрен башка категорияләргә күчерү тулысынча тыела.
Әгәр сездә җирләрне күчерү өчен нигез бар икән-2025 елның 15 августына кадәр тәкъдим бирегез. Гаризалар Әлмәт муниципаль районының җир-мөлкәт мөнәсәбәтләре һәм шәһәр төзелеше комитетында түбәндәге адрес буенча кабул ителә: Тукай проспекты, 9А, 2 кат, 4, 5 тәрәзәләр. Кабул итү вакыты:ял һәм бәйрәм көннәреннән тыш, көн саен 8:00 дән 17:00 гә кадәр (төшке аш — 12:00 дән 13: 00 гә кадәр).