Молодежный бистәсендә яшәүчеләр яңартылган ишегаллары алдылар!

2025 елның 29 июле, сишәмбе

Быел ТР рәисе Рөстәм Миңнеханов инициативасы белән оештырылган «Безнең ишегалды» программасы кысаларында районда — Молодежный бистәсендә, Кәләй тимер юл станциясендә, Түбән Мактама бистәсендә һәм Рус Акташы авылында 24 ишегалды территориясе яңартыла.

Яңарту объектларының берсе булып Комсомол урамы, 2, 3, 4 йортлар һәм Молодежный бистәсендәге Мәктәп урамы, 9 һәм 11 йортлар тора. Биредә төзекләндерүнең тулы комплексы төгәлләнгән.

Ишегалларына яңа юл өслеге җәелгән, урамнарны яктырту өчен заманча яктырткычлар куелган, уңайлы эскәмияләр һәм урналар барлыкка килгән. Балалар өчен заманча уен мәйданчыклары җиһазландырылган, анда балалар актив һәм файдалы итеп вакыт үткәрә алачак.

Хәзер күңел ачу, уйнау һәм саф һавада вакыт уздыру тагын да күңеллерәк булачак!