Кузай участок хастаханәсенә масштаблы капиталь ремонт августка төгәлләнәчәк
Кузай авылында «Әлмәт үзәк район хастаханәсе» ДАССО составына керүче участок хастаханәсенә капиталь ремонт ясала.
1966 елда ук төзелгән медицина учреждениесе «Сәламәтлек саклауның беренчел звеносын модернизацияләү» федераль проектының «Дәвамлы һәм актив тормыш» милли проекты кысаларында яңартыла. Бу максатларга Татарстан Республикасы бюджетыннан 20 млн сумнан артык акча бүлеп бирелгән.
Бүгенге көнгә беренче һәм икенче катларны ремонтлау эшләре башкарылган инде. Биналарда электр белән тәэмин итү һәм янгын куркынычсызлыгы системалары яңартылган, биналар буялган, яңа линолеум җәелгән, заманча яктырткычлар урнаштырылган. Электр монтажлау һәм бизәү эшләре дәвам итә, инженерлык челтәрләре салына.
Эчке эшләрдән тыш, янәшәдәге территория дә төзекләндерелә. Барлык эшләрне июль ахыры-август башына төгәлләү планлаштырыла.
Яңартылган медицина учреждениесе Кузай авылында һәм якын-тирәдәге торак пунктларда яшәүчеләргә медицина ярдәме күрсәтү шартларын сизелерлек яхшыртырга мөмкинлек бирәчәк.