Татарстан Республикасы Рәисе кубогына ярышларның беренче этабы Әлмәттә узды
Бүген Әлмәт шәһәренең «Мирас» спорт-сәламәтләндерү комплексында Татарстан Республикасы Рәисе Кубогына республика ярышларының беренче этабы узды.
Программада беренче спорт төре 50 метрга йөзү булды. Ярышларда Татарстанның барлык почмакларыннан 35тән артык МХО катнашучысы катнашты. Аларның һәрберсе-спортчы гына түгел,ә уникаль язмышлы, нык холыклы һәм чын сугышчан тәҗрибәле кеше. Бассейн сукмакларында алар яңадан көч, чыдамлык һәм җиңүгә омтылыш күрсәттеләр.
Катнашучыларга һәм кунакларга сәламләү сүзе белән Әлмәт районы башлыгы урынбасары Роза Әфләтунова, Татарстан Республикасы спорт министры урынбасары вазыйфаларын башкаручы Роман Каплиев һәм «Ватанны саклаучылар» махсус хәрби операциясендә катнашучыларга ярдәм итү дәүләт фондының төбәк филиалы җитәкчесе Гүзәл Удачина мөрәҗәгать итте.
Алар спортчыларга лаеклы нәтиҗәләр теләделәр, МХО катнашучыларының рухын күтәрү, физик активлык һәм социаль адаптация өчен мондый чараларның мөһимлеген билгеләп үттеләр.
Татарстан Республикасы Рәисе Кубогы этаплап уздырыла, һәр этап аерым спорт төрен үз эченә ала. Ярышлар 2025 елның июленнән сентябренә кадәр республиканың төрле муниципаль берәмлекләрендә узачак. Финал Бөтенроссия Спартакиадасына сайлап алу булачак, анда Татарстанның иң яхшы вәкилләре республика данын федераль дәрәҗәдә яклаячак.